وزیر اعظم کا ہندوستان کا دورہ دونوں ممالک کے درمیان ایجنڈے کو حتمی شکل دینے کے بعد ہی ہوگا:کھنال

نمائندہ نیپال اردوٹائمز

احمدرضاابن عبدالقادراویسی

کاٹھمانڈو

نیپال کے وزیر خارجہ سیسر کھنال نے واضح کیا ہے کہ نیپال کے وزیر اعظم باليندر شاہ کے دورہ ہندوستان کی تاریخوں کا تعین دونوں ممالک کے درمیان دورے کے ایجنڈے کو حتمی شکل دینے کے بعد ہی کیا جائے گا۔ماریشس میں منعقدہ انڈین اوشین کانفرنس میں شرکت کے بعد آج نیپال واپسی پر وزیر خارجہ نے وزیر اعظم باليندر شاہ سے ملاقات کی۔ انہوں نے وزیر اعظم کو ماریشس میں کانفرنس کے دوران مختلف وزرائے خارجہ بشمول ہندوستان کے وزیر خارجہ کے ساتھ اپنی ملاقاتوں کے بارے میں آگاہ کیا۔ وزیر اعظم سے ملاقات کے بعد صحافیوں سے بات کرتے ہوئے وزیر خارجہ کھنال نے کہا کہ ہندوستانی وزیر اعظم کی طرف سے دعوت نامہ موصول ہوا ہے تاہم دورے کی مخصوص تاریخیں ابھی طے نہیں ہوئیں انہوں نے مزید کہا کہ ہندوستان کے وزیر خارجہ کی ساتھ ان کی حالیہ بات چیت کے دوران بھی اس موضوع پر بات ہوئی تھی۔ نیپال میں نئی حکومت کی جانب سے اپنی ترجیحات اور دونوں ممالک کی متعلقہ وزارتوں پر مشتمل تکنیکی طریقہ کار اپنا تیاری کا کام مکمل کر لینے کے بعد ایک اعلیٰ سطحکا سیاسی دورہ کیا جائے گا۔ کھنال نے نوٹ کیا کہ نیپال اور ہندوستان کے درمیان 40 سے زیادہ دو طرفہ میکانزم اداره) جاتی فریم ورک ہیں، جن میں سے کچھ فی الحال غیر فعال ہیں۔ انہوں نے مزید زور دیا کہ بعض میکانزم کو دوباره فعال کرنا ضروری ہے