علما فاؤنڈیشن کی جانب سے کپلوستو کے چیف ڈسٹرکٹ آفیسر (CDO)کو میمورنڈم
پریس ریلیز
نیپال اردو ٹائمز
مورخہ: ۳۰ بھادو ۲۰۸۳، بروز منگل
کپلوستو: سوشل میڈیا کے ذریعے اسلام اور مسلم معاشرے کے خلاف قابلِ اعتراض اور نفرت انگیز مواد نشر کیے جانے کے معاملے میں غیر جانب دارانہ تحقیقات اور قانون کے مطابق ضروری کارروائی کا مطالبہ کرتے ہوئے علما فاؤنڈیشن نیپال، کپلوستو کی جانب سے کپلوستو کے چیف ڈسٹرکٹ آفیسر کو میمورنڈم پیش کیا گیا۔
علما فاؤنڈیشن کے ضلعی صدر صدام حسین کی قیادت میں ایک وفد نے کپلوستو کے چیف ڈسٹرکٹ آفیسر جناردن گوتم سے ملاقات کی اور معاشرے میں مذہبی ہم آہنگی، امن و امان اور باہمی بھائی چارے کو برقرار رکھنے کے لیے مذکورہ معاملے کی سنجیدگی سے تحقیقات کرنے کا مطالبہ کرتے ہوئے میمورنڈم پیش کیا۔
میمورنڈم میں ذکر کیا گیا ہے کہ سوشل میڈیا، خصوصاً فیس بک پر ’’پریم یوگی‘‘ نامی اکاؤنٹ سے اسلام، مسلم معاشرے اور مذہبی جذبات کے خلاف قابلِ اعتراض اور نفرت پھیلانے والے مختلف مضامین اور مواد پوسٹ کیے جا رہے ہیں۔
فاؤنڈیشن کے ضلعی صدر صدام حسین نے کہا کہ اس طرح کی سرگرمیاں صرف کسی ایک مذہبی طبقے کے جذبات کو مجروح نہیں کرتیں بلکہ معاشرے میں مذہبی کشیدگی، باہمی بداعتمادی اور تناؤ پیدا کرنے کے ساتھ ساتھ سماجی ہم آہنگی کو بھی متاثر کر سکتی ہیں۔
علما فاؤنڈیشن نے مطالبہ کیا کہ اس معاملے کو معمولی نہ سمجھا جائے بلکہ غیر جانب دارانہ اور سنجیدہ تحقیقات کرتے ہوئے، اگر الزامات درست ثابت ہوں تو مروجہ قانون کے مطابق ذمہ دار شخص کے خلاف ضروری قانونی کارروائی کی جائے۔
میمورنڈم وصول کرتے ہوئے کپلوستو کے چیف ڈسٹرکٹ آفیسر جناردن گوتم نے معاملے کو سنجیدگی سے لیتے ہوئے ضروری تحقیقات اور قانونی عمل کو آگے بڑھانے کی یقین دہانی کرائی۔
صدام حسین صدر
علی حسن نظامی۔ نائب صدر
احمد یار خاں۔ سیکریٹری
نصراللہ امجدی۔ مشیر
قمرالدین ،نور محمد نظامی
